Temakvelden er open for alle, gratis inngang.

• 18.00 - 18.20 Orientering NY-GIV prosjektet v/ trainee Marit Hammerseng
• 18:20 - 18:50 Om lesevanskar og grunnleggande ferdigheter v/ Ny GIV-lærar Marie Vårdal
• 18.50 – 19.00 Pause
• 19.00 - 19.30 Korleis verkar bruken av kompenserande hjelpemiddel inn på elevar med lese- og skrivevanskar i forhold til oppleving av mestring? v/ spesialpedagog Lillian Anderson Dale
• 19.30 – 20.00 Kaffi/te og smørbrød

Nasjonal statestikk viser at 1 av 3 elevar sluttar i vidaregåande opplæring utan å oppnå studiekompetanse eller fagbrev. Gjennom Ny GIV prosjektet vert det sett i gang fleire tiltak både i ungdomskulen og i den vidaregåande skulen. Målet er at elevane skal oppleve meistring og motivasjon og fullføre skulegangen.

Ungdomskular, vidaregåande skular og lærebedrifter skal no ha eit tettare samarbeid for å følgje opp elevane.

Marit Hammerseng vil fortelje om tankane bak prosjektet Ny GIV og korleis prosjektet vert organisert i Sogn og Fjordane. Hammerseng er trainee i Sogn og Fjordane fylkeskommune ved opplæringsavdelinga, utdanna sosiolog frå NTNU og har skrive masteroppgåve om fråfall i vidaregåande skule.

Marie Vårdal er lærar på Øyrane vidaregåande skule og vil fortelje om lesevanskar og språkvanskar. I Ny GIV skal grunnleggande dugleikar i lesing, skriving og rekning styrkast hos elevane. Det er ein sterk samanheng mellom låge prestasjonar i norsk og matematikk på ungdomskulen og fråfall i vidaregåande.

TIDLEG INNSATS I GRUNNSKULEN ER VIKTIG! Kunnskap og effektiv opplæring i bruk av lese- og skrivestøtteprogram, kan for mange elevar påverke sjølvoppfatninga og gi auka mestring.

Lillian Anderson Dale vil fortelje om sine undersøkingar der målet har vore å finne ut korleis ein kan nå inn til elevar med lese- og skrivevanskar – med kunnskap og effektiv opplæring i bruk av lese- og skrivestøtteprogram – slik at dei kan konsentrere seg om innhaldet i dei teoritunge faga og oppleve mestring. Ved å halde saman informasjon om korleis skuleåra har vore, i kva grad dei har møtt forståing, fått god opplæring og ved hjelp av teori om dysleksi, og mestring, vil Dale forsøke å sjå korleis skuleerfaringane kan ha påverka sjølvoppfatninga og mestringskjensla. Forskinga vil kunne få relevans for korleis Førde kommune planlegg satsinga i forhold til å bli ein kommune med dysleksivennlege skular. Dale er spesialpedagog i Førde kommune, masterstudent og har m.a. heldt foredrag i Berlin i forbindelse med lansering av Lingdys på Tysk for tyskarar.

Har du spørsmål – ta kontakt med

Dysleksilaget i Sunnfjord v/ Sissel K Jensen, Tlf.: 412 01 767.

E-post: sisselekjensen@hotmail.com

Arr:

DYSLEKSILAGET I SUNNFJORD

- for alle med lese-, skrive- eller matematikkvanskar